Фејсбук статус на Богдан Илиевски

ЌЕ СТАНЕ ЛИ ШЕРИФОВИЌ ГРАДОНАЧАЛНИК НА КАВАДАРЦИ?
Уште ова на актуелната дебата, во очекување на одговорот на братот Спасен. Извадоците се ставови на Јанчев, под нив мој коментар.

>>ЦИТАТ:
„Градоначалникот додава дека Тиквешки грoзодбер во Кавадарци во иминативе години прераснал во настан кој станува популарен ширум Балканот и кој е посетен од десетици илјади гости, и не станува збор само за локална забава со изведувачи кои можат да се слушаат речиси во секој локал, во градовите во земјава, туку за манифестација на која доаѓаат изведувачи кои се ѕвезди во вистински смисол на зборот“
***

-Аха, демек преголем е Гроздобер за македонските ѕвезди во невистинска смисла на зборот. Теодора Џехверовиќ е на нивото на манифестацијата, ама умислените македонски ѕвезди не се, јели? А има ли можност покрај промоцијата на тиквешките вина, да се промовира и македонската култура на вакви настани, чим станале мега-популарни на Балканот? Да се покани да пее и некоја „умислена ѕвезда која не е на рангот на Гроздоберот“, па да ја видат десетиците илјади посетители од целиот Балкан? Ете, нека е носечка ѕвезда големата Џефехерович, а покрај неа и малите ѕвездулиња, според уметничкиот критериум на уметничкиот директор на гроздоберот, да се покажат пред реките од илјадници балкански посетители кои ќе поитаат во Кавадарци за да ја гледаат Теодора Џехеферович, узпат да видат една Сузана Спасовска, еден НАУМ, едно Спасенче (дека мал малецок е), еден Дамјан, еден Влатко? Итн? Има ли таква можност?
Ако нема, зошто не ги викнете Депеш Моуд на Гроздобер на бесплатен концерт, па да дојдат 200.000 луѓе кои ќе ја појачаат економијата на Кавадарци?

>> СЛЕДЕН ЦИТАТ:
„Нека повели пејачот кој го стави на исто рамниште гроздоберот со ,,роштиљада” и да каже во кој дел од програмата би се вклопил, а што е уште поважно, колку публика би донел во градот? Од каде би била таа публика, со оглед на тоа што на настанот во годините наназад доаѓаат гости не само од цела Македонија, туку и од соседни земји?“
***

-Чисто математички ако размислуваме, дали ако Марија Шерифовиќ донесе 15.183 гледачи (не мора 50.000) односно еден глас повеќе од онаа бројка со која извојува победа во 2021 градоначалникот, треба да и се остави градот да го владее следни четири гроздобери? Тоа би било забавно! Или – народно. Кој како гледа на нештата.

>> СЛЕДЕН ЦИТАТ:
„Кога сме кај големата сцена на која годинава ќе настапи српската еворвизиска победничка Марија Шерифовиќ, и за време на чиј настап се очекуваат најмалку 50.000 посетители, нека одговори пејачот дали тој може да гарантира дека ќе донесе барем една петина од таа бројка. Затоа што гроздоберот не е само настан за забава, туку има огромно значење и од економски аспект, колку поголема ѕвезда доаѓа, толку поголем број на гости имаме, и со тоа се поголеми и економските придобивки на нашите граѓани“
***

Еве јас гарантирам дека Колдплеј ќе донесат 300.000 луѓе на бесплатен концерт. Од економски аспект ќе имаат огромно значење. Да ги донесеме Колдплеј во Кавадарци!

>> СЛЕДЕН ЦИТАТ:
На крај, Јанчев потсетува дека и во Македонија има големи музички ѕвезди кои гостуваат на манифестации во регионот и таму ги полнат плоштадите.

“Затоа и постои епитетот музичка ѕвезда, и не може секој да го носи. Кога за настап на некој музички гостин дури и се организира превоз од други градови, кога доаѓа река од народ од сите краеви, а на плоштадите нема место да се фрли игла, недостојно е да се потценуваат тие ѕвезди со евтини, наводно патриотски приказни кажани поради чист популизам.“
***

-Јас би замолил ордените за музичка ѕвезда да не ги доделува комисија составена од еден човек кој ќе одлучува како ќе ги вложува парите од даночните обврзници согласно неговиот светоглед на музичкото небо. И дополнително, ако е можно, еден фан на Север/и/на да не оценува ниво на патриотизам на екс-припадник на елитните армиски единици, кој промовира МАКЕДОНСКИ ИДЕНТИТЕТ онаму каде е најпотребно и најтешко да се прави тоа. Бидејќи чувството на враќање кон општеството кое му помогнало да созаде секаков капитал очигледно трокира, кога е во прашање должноста за помагање и на културното воздигнување на македонските творци и создавачите на идентитетот. Или попрецизно, дали ако беше жив Сариевски кој бездруго немаше да може да собере 50.000 во Кавадарци (па и Тоше покоен никогаш не собра 50.000 ни во Скопје) ќе требаше да го прогласиме за помалку важен од Беквалац и Харис Џинович? Или да кажеме дека една Васка Илиева не би била на нивотот на Гроздобер, па сепак ќе идеме со Бресквица и Дара Бубамара, наместо неа?

>> ПОСЛЕДЕН ЦИТАТ:
Уште еднаш го повикувам пејачот кој се дрзна да ја навредува традиционалната кавадаречка манифестација, да дојде во општината и да ми даде одговор на прашањата кои еве и јавно му ги поставив
***

Не знам зошто е навредлива споредбата со Роштилијада. Таму, во Лесковац, деновиве ќе пеат: Теа Таирович, Бресквица, Амадеус Бенд, Дејан Матич, Зоран Мичанович. На гроздобер се Теодора Џехеверович, Беквалац, Харис Џинович, Марија Шерифович. Што има навредливо во споредбата? Ако надополниме пак со програмот во Неготино и некоја Милица Павловиќ, па во Паланка во чест на Пресвета Богородица со Цеца, Мирза Селимовиќ, Дејан Петровиќ и Саша Ковачевиќ… а меѓу сите нив неколку Македонци и Македонки избројани на прсти на една рака… целата наша културна сцена е ставена на лесковачкиот роштиљ.

Додека се фалиме дека сме ги изнедриле Светите Климент и Наум, кои помогнале да се описменат 300 милиони луѓе на континентов.
Чемеријада 2025.