Африка под растечко руско влијание

Додека западните земји ја губат контролата во Африка, Москва го зајакнува своето присуство преку нова воена формација – Африканскиот корпус, наследник на Вагнер. Единицата, под директна контрола на руското Министерство за одбрана, веќе дејствува во Мали, Централноафриканската Република, Нигер и Буркина Фасо.

За разлика од неформалниот Вагнер, Африканскиот корпус е дисциплинирана и организирана структура на руската држава, составена од елитни офицери и поранешни вагнеристи. Нивната задача е да им помагаат на африканските земји во борбата против бунтот и тероризмот, кои се зголемиле по повлекувањето на француските и другите западни трупи.

Москва како „стабилизатор“

Во Централноафриканската Република, руските инструктори со години ги поддржуваат властите за да ја стабилизираат државата и да ги заштитат институциите. Локалните власти тврдат дека благодарение на Москва, бил спречен целосен колапс на земјата, додека западните сили само гледале како регионот тоне во хаос.