Обвинувања против власта

Српскиот академски пленум обвинува дека директори на основни и средни училишта, под целосна контрола на владејачката СНС, добиле партиска наредба да не им ги продолжуваат договорите на наставници кои учествувале во ученички и граѓански протести.

„Потенцијални проблеми“

Според сведоштва, мерката се оправдува како елиминација на „потенцијални проблеми“, но во реалност – тоа значи отстранување на професионалци кои јавно се залагале за права на учениците и за општествена правда.

Наставници заменети со неквалификувани лица

Пленумот алармира и за случаи каде што отпуштените наставници биле заменети со лица без соодветни квалификации – што, според нив, директно го поткопува квалитетот на наставата и го нарушува интегритетот на образованието.

База за документрање на злоупотреби

Наставниците на кои не им се продолжуваат договорите се повикани да ги пријават своите случаи во базата „За денот потоа“ – со цел јавно именување на директорите кои, како што тврди Пленумот, постапуваат по партиска директива.

Институциите молчат

Надлежните институции сè уште не се произнеле за случајот. Доколку бидат поднесени пријави, истрагите треба да утврдат дали има прекршување на трудовите и образовни прописи и дали станува збор за политичка дискриминација на работното место.