Меѓународната јавност е на нозе по најновите информации дека можно е директна средба меѓу Владимир Путин и Володимир Зеленски – и тоа на територија на Унгарија.

Трамп ја турка иницијативата

Американскиот претседател Доналд Трамп на своите социјални мрежи објави дека лично разговарал со рускиот лидер и почнал да договара состанок. Планот, според него, е најпрво средба „Путин – Зеленски“, а потоа и трилатерални разговори со него како посредник.

Орбан како домаќин?

Ројтерс пренесува дека висок претставник на американската администрација потврдил: како најверојатна локација се споменува Унгарија. Не е случајно – премиерот Виктор Орбан е отворен критичар на политиките на ЕУ кон Украина и важи за близок сојузник на Путин.

Европа во исчекување

Германскиот канцелар Фридрих Мерц дури изјави дека состанокот може да се одржи во рок од две недели. Тоа би бил прв директен контакт на највисоко ниво од јуни, кога во Турција не дојде до лична средба меѓу лидерите, бидејќи Путин испрати делегација од пониско ниво.

Пречки и тензии

Проблемот останува: Путин не го признава легитимитетот на Зеленски, тврдејќи дека неговиот мандат истекол уште во мај минатата година. Од другата страна, Зеленски со закон забрани било какви преговори со Кремљ.