Обвинувања од СДСМ
СДСМ остро реагираше на, како што велат, лажните обвинувања од ВМРО-ДПМНЕ. Според нив, извештајот на европската служба ОЛАФ директно ги потврдува милионските злоупотреби во програмата Еразмус+ за време на владеењето на ВМРО-ДПМНЕ.
Над 2 милиони евра злоупотребени
Во извештајот стои основано сомнение за злоупотреба на над 2 милиони евра европски пари, со инволвираност на повеќе од 50 физички и правни лица во Македонија и уште пет земји-членки на ЕУ.
Сомнежи за дополнителни 8 милиони евра
СДСМ потсетува дека во периодот 2014–2017 година постојат сомнежи за распределба на уште 8 милиони евра, токму кога во Агенцијата биле евалуаторки Ана Михајлов и нејзината кумашинка Дорина Ѓорчева Митровска.
„Сами си се демантираат“
Од СДСМ наведуваат дека дури и градоначалникот на Кавадарци од ВМРО-ДПМНЕ, Митко Јанчев, јавно ја демантирал сопствената партија. „Јасно е како ден – ВМРО-ДПМНЕ ги штити милионските криминални шеми во Еразмус+,“ стои во реакцијата.
Скандалот со Националната агенција овој период не стивнува.
Напомена: Ставовите, мислењата и изнесените тврдења во објавените текстови се исклучиво на авторите или на засегнатите лица и организации, и не го одразуваат официјалниот став на екипата на ВАРДАРСКИ МК (vardarski.mk).
