Голема акција на полицијата

На магистралниот пат А3 Битола – Прилеп, кај кружниот тек за селото Тополчани, полицијата запрела автомобил „Фолксваген голф“ со прилепски таблички.

Две торби полни со дрога

Во багажникот биле пронајдени две патни торби со 35 пакувања марихуана – со вкупна тежина од 32,5 килограми. Автомобилот го управувал 36-годишен прилепчанец, кој веднаш бил приведен.

Истражна постапка

Основното јавно обвинителство Битола отвори постапка за кривично дело „Неовластено производство и пуштање во промет наркотични дроги“. Обвинителството ќе истражува од каде е набавена дрогата и кој стои зад шверцот.

Притвор за осомничениот

Поради ризик од бегство, прикривање докази и влијание врз сведоци, обвинителот достави предлог за мерка притвор за осомничениот.