Струшката полиција во рамки на засилени сообраќајни контроли одзеде четири луксузни автомобили во рок од два дена поради прекумерна бучавост и сомнеж за техничка неисправност. Возилата – две „БМВ“, едно „Ауди“ и едно „Ламборџини“ – ќе бидат испратени на вонреден технички преглед, а ќе следат и законски постапки против возачите.

На 1 август полицијата сопре „БМВ“ со швајцарски ознаки, управувано од 22-годишен стружанец кој живее во Швајцарија, и „Ауди“ со струмички таблички управувано од државјанин со престој во Холандија. Истата вечер е запрено и уште едно „БМВ“, возено од жител на Радолишта, кое немало важни сообраќајни документи.