„Мрачна зона без демократија“

Кандидатот за градоначалник на Чаир, Бујар Османи, алармира дека државата е исправена пред историски избор: дали ќе остане на европскиот пат или ќе потоне под влијание на српско-руската орбита. „Тоа е една мрачна зона каде што нема демократија, туку авторитарност и понижување,“ порача Османи.

„Историјата нема да ни прости“

Според него, молкот пред ваквата закана ќе значи предавство кон идните генерации. „Ако дозволиме тоа да се случи, ниту историјата ниту нашите деца нема да ни го простат,“ додаде тој.

Албанците под удар

Османи ја обвини актуелната власт дека го негира државотворниот концепт на Албанците. „Ни се ускратува и правото на јазикот – албанскиот јазик исчезна од институциите и официјалните документи,“ рече тој.

19 октомври – избори или судбоносен ден?

„19 октомври не се само избори за Чаир, туку одлука дали ќе прифатиме држава изолирана од Европската унија,“ истакна Османи. Тој додаде дека анкетите кои предвидуваат пораз на коалицијата „Вреди“ со 3:1 не се суштината: „Вистинската битка е да не се дозволи создавање нова ‘Вреди’, која ќе ја уништи идејата дека Албанците се државотворен народ.“