Во услови на пожари кои пустошат низ Македонија, политичките препукувања не запираат. СДСМ остро реагираше на тврдењата на ВМРО-ДПМНЕ, кои преку партискиот претставник Миле Лефков обвинија дека поранешен шофер на Зоран Заев бил уапсен за подметнување пожар во Струмица.

Од СДСМ ги отфрлаат обвиненијата како „бедни и очајни лаги“, истакнувајќи дека лицето што го споменуваат никогаш не бил ниту шофер, ниту телохранител на Заев. Според нив, овие обвинувања се обид за дефокус од реалноста – дека државата се соочува со катастрофални пожари, а институциите не реагираат ефикасно.

Партијата обвини дека ВМРО-ДПМНЕ и премиерот Мицкоски се директно одговорни за неспособноста да се справат со кризата: „Изгоре над 20% од територијата, нема опрема, нема пожарникари, нема авиони – има само лаги, прес-конференции и луксуз.“

Дополнително, СДСМ посочи дека додека граѓаните со кофи и лопати се борат со пламените јазици, власта троши народни пари на „луксуз, морски плодови и приватни летови“, оставајќи ги луѓето сами во борбата за спас на своите животи и имот.