Пријателство преточено во музика
По трагичната смрт на Андреј Ѓорѓиески – пејачот на ДНК, неговиот близок пријател Наум Петрески реши на посебен начин да му оддаде почит. Тој ја препеа безвременската „Ако умрам ил загинам“ од Јонче Христовски, во рамки на проектот „Македонијо, во срце те носиме“.
Фотографии како вечен спомен
Емотивната изведба е придружена со видео, во кое Петрески прикажува фотографии од заедничките моменти со Андреј – сведоштво за долгогодишното пријателство меѓу двајцата музичари.
Втор татко и верен пријател
Андреј често знаел да каже дека Наум го чувствува како втор татко. Петрески пак, повеќепати јавно ја изрази својата болка поради загубата, а сега преку оваа песна и видео, нивното пријателство останува овековечено.
Дел од голем проект
Новата верзија е со аранжман на Николче Мицевски, а проектот опфаќа повеќе изведувачи кои ги оживуваат најголемите македонски песни – од Ламбе Алабаковски, Спасен Силјаноски, Марија Спасовска, до Андријана Јаневска.
▶️ Погледнете го видеото тука:
Напомена: Ставовите, мислењата и изнесените тврдења во објавените текстови се исклучиво на авторите или на засегнатите лица и организации, и не го одразуваат официјалниот став на екипата на ВАРДАРСКИ МК (vardarski.mk).
