Мицкоски тврди: Реалниот пораст на платите е двојно поголем со ВМРО-ДПМНЕ

Премиерот Христијан Мицкоски денеска одговарајќи на повикот на претседателот на СДСМ Венко Филипче за пораст на минималната плата, истакна дека реалната нето-плата расте двојно повеќе со Владата на ВМРО-ДПМНЕ во споредба со периодот кога на власт беа СДСМ и ДУИ.

Споредба на порастот на платите

Мицкоски нагласи дека во периодот од јуни 2017 до мај 2024 година, кога СДСМ и ДУИ беа на власт седум години, реалниот пораст на нето-платата бил околу 3,5%. Во првата година од владата на ВМРО-ДПМНЕ, од јуни 2024 до јуни 2025, тој пораст изнесува 6,5%.

„Математички, но и како и да се гледа, 6,5% е речиси двојно повеќе од 3,5%. Селективниот пристап и ваквиот тип на политика на СДСМ донесе катастрофални резултати изминативе седум години“, рече Мицкоски при посетата на РЕК Битола.

Совет до СДСМ

Тој порача до СДСМ да бидат конструктивна опозиција и да почнат да предлагаат политики кои ќе го подобрат животот на граѓаните, наместо да се занимаваат со спинување и лиферување невистини.