Обвинувањата на Левица
Партијата Левица обвини дека крајбрежјето на Охридското Езеро се узурпира и гради без дозволи, додека институциите предводени од СДС и ДПМНЕ молчат.
Случајот од Пештани
Во 2016 година, на државно земјиште дадено на користење на Национален парк „Галичица“ во центарот на Пештани, била изградена бетонска ограда и ресторан – без одобрение за градба. Иако градежен инспектор донел решение за отстранување, тоа речиси 10 години не е спроведено.
Кривична пријава – без исход
СВР Охрид тогаш поднело кривична пријава против компанијата „Толески Никола Дебој Инженеринг“ и против одговорното лице Никола Толески (59) од Пештани за „узурпација на недвижност“. Толески е познат и како инвеститор на контроверзниот хотел во Лагадин, кој Зоран Заев јавно го бранеше.
Дивоградбата сè уште стои
И по речиси една деценија, објектот сè уште функционира. Левица потсетува дека и по најавите на министерот за транспорт Александар Николоски за вонредни контроли по трагедијата во Кочани, резултати нема – додека поединци продолжуваат да се штитат, а чесните граѓани ги плаќаат своите давачки кон државата.
Напомена: Ставовите, мислењата и изнесените тврдења во објавените текстови се исклучиво на авторите или на засегнатите лица и организации, и не го одразуваат официјалниот став на екипата на ВАРДАРСКИ МК (vardarski.mk).
