Економистот и граѓански активист Зоран Тодоров во понеделник ја поднесе независната кандидатура за градоначалник на Кочани, најавувајќи дека ќе настапи надвор од партиските структури и ќе се фокусира на заедништво и локален развој.

„Некој би рекол дека е фрлена ракавица, но јас велам дека рака кон сите во Кочани е подадена,“ изјави Тодоров во објава на социјалните мрежи. ✋🏽💙

Тој се претстави како сопруг и татко на две деца, роден и израснат во Кочани, и нагласи дека влегува во трката поради желбата градот да стане „место на избор, а не на случаен престој“.

Како основач на повеќе локални организации, Тодоров веќе години се залага за солидарност и поддршка на најранливите категории преку конкретни акции и хуманитарни иницијативи. „Јас сум човек од дела – не од зборови,“ истакна тој.

Неговата изборна порака:

• „Чекор по чекор, човек до човек“

• „Нов глас на одговорност, искреност и храброст“

• „Живот во Кочани – достоинствен, праведен, инспиративен и топол“

Тодоров вели дека сака град кој ќе биде за сите, а не само за малкуте, и најавува избори кои ќе ги фокусираат на реални дела и конкретни промени.