Скопје тоне во смет и загадување

На прес-конференција денеска, платформата „Независни заедно“ го промовира професорот и декан на Градежниот факултет при УКИМ, Горан Марковски, како независен кандидат за градоначалник на Скопје за Локалните избори 2025. Марковски потенцираше дека главниот град се гуши, тоне во смет и бара итни решенија за подобар живот.

Потребна е визија и компетентност

„Главниот град бара јасна визија, кохезија, одговорност и компетентност. Без граѓанска иницијатива и лична независност, немаме добра демократија ниту здрави институции“, изјави Марковски. Тој истакна дека проблемите на Скопје веќе не се само инфраструктурни, туку општествени и еколошки.

Фокус на загадувањето и здравиот град

Еден од приоритетите на Марковски е справувањето со загадувањето, како и преземање конкретни мерки за чист воздух, вода и квалитетна урбана средина. „Ние решаваме проблеми, не само ги детектираме“, додаде Марковски.

Платформата „Независни заедно“

„Независни заедно“ ги обединува независните советници и локални иницијативи од неколку скопски општини, вклучувајќи „Шанса за Центар“, „Зелените за Гази Баба“ и „Групација 389“. Покрај Марковски за градоначалник на Скопје, платформата веќе ја промовира и Билјана Ивановска за градоначалник на општина Центар