Популарниот српски бенд Амадеус доживеал сообраќајна несреќа кога нивното комбе излетало од патот и се превртело. Инцидентот се случил додека сите членови на бендот биле во возилото, но за среќа – никој не е повреден.
„Среќата нè следеше вечерва“
По несреќата, клавијатуристот Александар Станимировиќ – Аца – се огласи на социјалните мрежи:
„Среќата нè следеше вечерва, како што нè следеше сите овие 25 години“, напиша тој, додавајќи:
„Фала му на Бога што никој од бендот не беше повреден, ајде да продолжиме понатаму.“
Фановите во шок
Неговата објава веднаш предизвика реакција кај загрижените фанови. Под постот се нижеа коментари како:
„Фала му на Бога што сè е во ред“,
„Дали сите се живи?“,
„Ова е ужасно, да живее бендот Амадеус“.
Несреќата, иако шокантна, заврши без трагични последици. Бендот продолжува со своите обврски, благодарен што сите се живи и здрави.
Напомена: Ставовите, мислењата и изнесените тврдења во објавените текстови се исклучиво на авторите или на засегнатите лица и организации, и не го одразуваат официјалниот став на екипата на ВАРДАРСКИ МК (vardarski.mk).
