Подготовки за историја

Новак Ѓоковиќ се наоѓа во Њујорк, каде што тренира за поход кон својата 25. гренд слем титула – рекорд кој може да ја зацементира неговата позиција како најуспешен тенисер на сите времиња.

Изјава за состојбата во Србија

Во разговор за српските медиуми, тој не се задржа само на тениските теми, туку отворено зборуваше и за политичката и општествената состојба дома.
„Состојбата во земјата генерално е таква што на луѓето најмалку им е до спорт… Се случуваат многу работи, голема е транзицијата и на народот и на државата… Без да навлегувам во политика… се надевам дека ќе се смират страстите. Сè многу ескалираше, буквално сме на граница на граѓанска војна. Се надевам дека ситуацијата ќе се смири, но засега нема навестување за тоа.“

Турнирот во Белград преселен во Атина

Паралелно, Ѓоковиќ зборуваше и за темата што ги погоди љубителите на тенисот во Србија – селидбата на турнирот.
„Сè што можам да кажам е дека ние не сакавме да го селиме турнирот, тоа е сè. За жал, така е, како што е…“

Надеж за враќање во Србија

И покрај преселбата, светскиот рекет број еден не ја губи надежта:
„Дали ќе се врати турнирот во Србија… Се надевам дека ќе се врати. Од наша страна секогаш постои желба и тенденција. Мојот брат Ѓорѓе, кој го води турнирот, едноставно беше ставен во ситуација турнирот да мора да се пресели. Се надевам дека во наредните години ќе дојде подобро време и дека турнирот ќе се врати, можеби дури и во повисока категорија – никогаш не се знае. Белградската публика го сака тенисот и Србија во последните дваесет години стана вистинска тениска земја со сите наши успеси.“

Двојна порака – спорт и општество

Изјавата на Ѓоковиќ ја доби тежината не само заради спортот, туку и заради сериозната проценка за општествената клима во Србија. Додека се бори за нова титула во Њујорк, неговите зборови за „граница на граѓанска војна“ отворија лавина реакции во регионот.