Туристички пекол на популарната локација кај Солун

Страшна експлозија денеска го потресе летувалиштето Аспровалта кај Солун, откако плинска боца експлодирала во изнајмен апартман, при што повредени се пет српски туристи, од кои еден е во критична состојба и се бори за живот.

Експлозијата се случила среде ден

Инцидентот се случил околу 15:00 часот, под засега неразјаснети околности, во изнајмени туристички соби во близина на центарот на Аспровалта. На местото веднаш пристигнале итните служби, чии екипи реагирале во рок од само три минути од приемот на повикот.

Туристи со сериозни изгореници

Според првичните информации, двајца од повредените се со тешки изгореници:

• Маж со 40% изгореници од прв и втор степен;

• Жена со 20% изгореници од прв степен.

Двајцата се хоспитализирани во Општата болница „Папаниколау“ во Солун, каде се следи нивната состојба. Останатите тројца туристи се здобиле со полесни повреди.

Приведен сопственикот на апартманот

Полицијата го привела 86-годишниот сопственик на апартманите, кој ќе одговара за можно непочитување на безбедносните стандарди и неовластено складирање на плински боци. Истражните органи во Грција започнаа детална истрага за причините што довеле до експлозијата.