Драма во живо: Министерот се урна во студио, потоа итно опериран
Српскиот претседател Александар Вучиќ сподели фотографија од болничка соба на која позира заедно со министерот за јавни инвестиции Дарко Глишиќ. На фотографијата, Глишиќ лежи во болнички кревет, а со едната рака го држи претседателот.
Вучиќ во описот на фотографијата кратко напиша:
„Дарко нескршлив!“
Шок во живо – Глишиќ го изгуби говорот среде емисија
Глишиќ вчера доживеа сериозна здравствена криза додека гостуваше во утринската програма на ТВ Пинк. Во моментот кога требаше да одговори на едно од поставените прашања, почна да пелтечи и не беше во состојба да изговори ни еден јасен збор. Водителите неколку пати се обидоа да стапат во контакт со него, но не добија никаков одговор, по што програмата веднаш беше прекината.
View this post on Instagram
Потврдено: Министерот доживеал мозочен удар
Набргу по инцидентот, Министерството за здравство на Србија потврди дека Дарко Глишиќ бил итно префрлен во Клиничкиот центар, каде бил подложен на итна операција. Дијагнозата – мозочен удар.
Состојбата на министерот моментално е стабилна, а фотографијата што ја објави Вучиќ се гледа како обид да се испрати порака на поддршка и охрабрување.
Напомена: Ставовите, мислењата и изнесените тврдења во објавените текстови се исклучиво на авторите или на засегнатите лица и организации, и не го одразуваат официјалниот став на екипата на ВАРДАРСКИ МК (vardarski.mk).
