Огнена драма на летот од Грција

„Боинг 757“ на авиокомпанијата „Кондор ерлајнс“ со 273 патници и осум членови на екипажот, кој летал од грчкиот остров Крф кон Дизелдорф, морал итно да слета во Италија поради пожар на еден од моторите. Инцидентот се случил на надморска височина од речиси 11.000 метри, предизвикувајќи вистинска паника во кабината.

Патници испраќале последни пораки

Околу 20:00 часот по локално време, патниците забележале пламен што излегувал од десниот мотор, придружен со гласни звуци слични на експлозија. „Беше неверојатно ужасно. Веќе испратив пораки за збогум затоа што си реков: ’Сега е готово’“, изјавил еден од патниците.

Брза реакција на пилотите

Пилотите веднаш реагирале и го пренасочиле авионот кон аеродромот во Бриндизи, јужна Италија, каде што слетал безбедно во 20:15 часот – само 40 минути по полетувањето. Снимки од инцидентот, објавени на социјалните мрежи, покажуваат како моторот повремено исфрла пламен.

Објаснување од авиокомпанијата

Од „Кондор ерлајнс“ потврдија дека дефектот бил предизвикан од „хемиска реакција во комората за согорување“ и проблем со снабдувањето со воздух во моторот. Според нив, патниците и екипажот во ниту еден момент не биле во реална опасност.

Сите патници следниот ден наутро биле транспортирани во Дизелдорф со друг авион.

A Condor Airlines flight was forced to make an emergency landing in Italy after the plane’s engine had burst into flames shortly after takeoff — prompting one terrified passenger to send out “goodbye texts” to loved ones.

The Boeing 757 carrying 273 passengers and 8 crew members… pic.twitter.com/63rdBoPiHV

— Chat News Hub (@chatnewshub) August 19, 2025